انا بقالي فترة كبيرة بستخدم المينوكسديل والحمد لله جايب معايا نتيجة زي مانتو شايفين بس كانت بتقابلني مشكلة وهي لون الشعر اللي بيطلع لانه كان خفيف ومش ظاهر لان لونه فاتح
المشكلة دي حلها الصبغة
بس ايه نوع الصبغة اللي ينفع وايه هي انواع الصبغات عموما
في الفيديو دة هنجاوب على الاسئلة دي كلها بس متنسوش لايك وشير على الفيس بوك والاشتراك وتفعيل الجرس في اليوتيوب
أهلا بيكم مرة تانية
أنا محمد سويلم والناس اللي اول مرة تشوفني فانا حد ليا تجربة طويلة مع المينوكسديل وعلاج الصلع الوراثي وشعري كان بالشكل دة وحاليا بالشكل دة ومازلت مستمر على العلاج
وانهاردة جايب حل للناس اللي شعرها خفيف او استخدمت المينوكسيديل وجاب معاهم نتيجة بس لون الشعر افتح من الطبيعيي وعايزين يحسوا ان الشعر ظاهر ودة هيكون من خلال تلوين الشعر باللون الاغمق
ندخل في الموضوع علطول ونبدأ بايه انواع الصبغات الموجودة واقصد الانواع مش الماركات
الصبغات فيها انواع مؤقته وانواع ثابتة
والثابتة انا بالنسبالي بعتبرهم نوعين
نوع خالي من الامونيا ونوع فيه امونيا
والامونيا دي هي اللي بتساعد على تفتيح لون الشعر عشان يتم تطبيق اللون بدرجة صحيحة على الشعر
ودي ايه فايتدها للصبغ
يعني لو بنصبغ شعر لونه فاتح وشعر لونه غامق بنفس درجة لون الصبغة الدرجة مش هتبقى هي هي لان الاساس مش نفس اللون وهو دة دور الامونيا
وطبعا تفتيح الشعر معناه التأثير على الشعر نفسه ولونه الاصلي ولمعانه واكيد صحته وبالتالي الأمونيا ضارة
يعني هنبعد عن الصبغات اللي فيها امونيا
يبقى النوع التاني وهو الصبغات الخالية من الامونيا
ودي الصبغات اللي هنستخدمها عشان تحافظ على صحة الشعر قدر الإمكان
بس كان لازم اقولكم الفرق الاول
أفضل الماركات العالمية في صبغات الشعر
صبغة شعر من لوريال باريس
صبغة شعر من غارنيية
صبغة شعر من ريفلون
وفي نوع رخيص وجيد اسمه باليت او بالي ودة انا بفضله اكتر من اللي فوق عشان استخدام المينوكسيديل هيطلع الصبغه في فترة قليلة ومفيش داعي تصرف كتير عشان مدة قصيرة
طيب ازاي احافظ على لون الصبغة اطول وقت ممكن
وفي أغلب الأحوال تتعرض الصبغة لتغير اللون بسبب ممارسات خاطئة، فالشعر:
- نوع الصبغة المستخدمة هو الخطوة الأولى والأهم في ثبات اللون الجدي، فلا يمكن أن تكون البداية مع نوع رديء وننتظر نتيجة إيجابية.
- أكثر أسباب تغير لون الصبغة شيوعاً هم استخدام الشامبو والبلسم العادي، ولكن يجب استبدالهما فوراً بأنواع مخصصة للشعر المصبوغ.
- التعرض للشمس أو ماء المسابح بدون تطبيق سيروم للحماية يتسبب في تغير لون الشعر في وقت قصير جداً، من ثم لابد من استخدام سيروم واقٍ.
- لابد من التوقف عن غسل الشعر يومياً، فاللون قد يتغير مع غسلة، لذا يكفي تنظيف الشعر مرتين أسبوعياً فقط.
- تجنب الماء الساخن في عملية تنظيف الشعر يحافظ على اللون، لذا، يفضل الاعتماد على الماء الفاتر إن أمكن
النوع المؤقت
دة بيكون للاستخدام اليومي والمناسبة اللي انت رايحها وخلاص ودة صحي اكتر من الثابته لسهولة ازالته بعد كدة خصوصا لو بتستخدم مستحضرات زي المينوكسيديل او اي علاجات لفروة الراس
وانهاردة جايبلكم النوع دة
اسمه رولييل سبراي ودي صبغه بتترش على الشعر وتتساب دقيقتين ل 5 دقايق بتجف وبتدي اللون المطلوب للشغر بسهولة وتقدر تغسلها بعدها بيوم او في نفس اليوم او وقت ما تحب
وطريقة استخدامه انك تبعد عن فروة الراس مسافة 15 سم على الاقل عشان متعملش بقع باللون تقيلة وتكون واضحة ومتثبتش ايدك في مكان واحد وانت بترش الصبغة ولو حاجة نزلت على مقدمة راسك عادي بتمسحها بمنديل مبلل ومش هيكون ليها اثر
لكن خليك فاكر دايما سواء بتستخدم صبغة دايمة او مؤقته حافظ على استخدامك للديرما رولر بعدها
ودة لان الصبغة ممكن تعمل طبقة عازلة في فروة الراس والديرما رولر هتساعد فروة الراس انها تمتص المينوكسيديل وتزيل الطبقه دي
وطبعا قولنا ممكن نستخدم الديرما رولر يوم بعد يوم وطريقة استخدامها في الفيديو دة
وفي النهاية اتمنى انك تكون استفادت من الفيديو دة ومتنساش تتفرج على باقي فيديوهاتي لعلاج الصلع الوراثي ولو عندك اي اسألة ياريت تسيبها في كومنت او تكلمني مباشرة على الفيس بوك الموجود في الديسكريبشن وطبعا متنساش لايك للفيديو واشتراكك في القناة عشان يوصلك كل جديد
