حقيقة تسبب العادة السرية والجنس في تساقط الشعر
السلام عليكم ورحمة الله وبركاته
سمعنا كلام كتير عن العادة السرية وتاثيرها على الجسم بصفة عامة وسمعنا ان العادة السرية ممكن تتسبب في فقدان البصر وسمعنا ان العادة السرية ممكن تتسبب في نمو الشعر في كف ايدك
وسمعنا ان العادة السرية بتتسبب في تساقط الشعر وبتتسبب في تراجع بداية الشعر في الراس او الصلع الكامل
في الفيديو دة هنتكلم عن حقيقة تاثير العادة السرية على الشعر وهل فعلا هو بياثر على الشعر ولا لا
بس قبل ما نبدأ متنساش تشترك في القناة وتفعل الجرس عشان يوصلك كل جديد
https://youtu.be/mh83dHZb8QM
أهلا بيكم مرة تانية
انا محمد سويلم وفي الفيديو دة جايبلكم حقيقة تاثير العادة السرية على تساقط الشعر
خلينا في الاول نقول بسرعه كدة ايه الاسباب اللي ممكن تسبب الصلع
اول حاجة هرمون الدي اتش تي ودة هرمون مشتق من هرمون التستسيترون اللي هو هرمون الذكورة
تاني حاجة نقص الفيتامينات والبروتينات والمعادن
تالت حاجة الهرمونات عموما
دي ال3 حاجات المعروف انها ليها علاقة بتساقط الشعر
نبدأ باول سبب وهو ال DHT
معظمنا سمع ان العادة السرية او النشاط الجنسي عموما بيتسبب في ان الجسم ينتج هرمون الذكورة اللي اسمه دي اتش تي المسبب للصلع وتساقط الشعر
وزي ماحنا عارفين ا هرمون الدي اتش تي دة الهرمون الاساسي المسبب في الصلع الوراثي
ودة لانه بياثر على بصيلات الشعر وبيصغر حجمها وبالتالي بيبدا الشعر في التساقط ودة بيحصل للناس اللي بتعاني من الحساسية الوراثية لهرمون الدي اتش تي
واللي بيدعم مقولة ان العادة السرية بتتسبب في تساقط الشعر ان بعض الناس فاهمة ان العادة السرية بتتسبب في ان الجسم ينتج هرمونات منها هرمون الدي اتش تي المسبب للصلع
لكن هل الكلام دة حقيقي ؟
في الواقع الدراسات اثبتت غير كدة والدراسات العلمية متناقضة تماما مع ان العادة السرية ليها اي تأثير على هرموت الدي ات تي او اي هرمون ذكورة تاني واتعملت دراسات كتيرة وكلها اثبتت ان النشاط الجنسي مالوش تاثير ملحوظ على هرمون التستيسيرون او الدي اتش تي
وفي دراسة كمان قارنت الناس اللي قدرتها الجنسية طبيعية والناس اللي عندها مشاكل في القدرة الجنسية ولاحظو ان النتيجة في المجموعتين ان مستوى هرمون الذكورة في المجموعتين متشابه
وفي دراسة تانية اتعملت على مجموعتين منهم مجموعة بتمارس حياتها الجنسية بصورة طبيعية ومجموعة تانية توقفت عن الانشطة الجنسية عن عمد
واخدو عينات دم من المجموعتين ولاحظو ان العينات دي اثبتت ان مفيش اي اختلاف بين المجموعتين بخصوص هرمون التستسيرون.
وبما ان هرمون الدي اتش تي هرمون مشتق من التيتسيرون فدة يثبت بصورة قوية جدا ان النشاط الجنسي سواء نشاط جنسي حقيقي او عن طريق العادة السرية له اي تاثير سواء ايجابي او سلبي على مستويات هرمون الدي اتش تي المسبب للصلع.
تاني حاجة بنسمعها هي ان العادة السرية بتتسبب في انخفاض مستوى البروتينات في الجسم وبالتالي نقص البروتين في الجسم بيتسبب في تساقط الشعر
بالرغم من ان المقولة دي فيها جزء حقيقي وهو ان السائل المنوي بيحتوي على بعض البروتينات لكن العادة السرية او ممارسة الجنس ملهاش تاثير كبير على على نسبة البروتينات المتاحة لبصيلات الشعر
في المتوسط بيكون في 5.4 جرام في كل 100 ملي لتر من السائل المنوي
وكمية السائل المنوي اللي بتخرج في كل مرة حوالي 3.7 ملي لتر ودي معناها انك محتاج تخرج السائل المنوي من جسمك اكتر من 27 مرة عشان تفقد فقط 5 جرام من البروتين
مع العلم ان جسمك بيحصل على 6 جرام بروتين اكلت بيضة واحدة وحوالي من 30 ل 40 جرام بروتين لو اكلت صدر دجاجة .
وكمية البروتين اللي انت بتفقدها عند نزول السائل المنوي تعتبر لا تذكر بالنسبة لكمية البروتين اللي بتدخل جسمك يوميا حتى لو فضلت اليوم كله تمارس العادة السرية هيبقى في الاخر بردو جسمه فيه من 10 اضعاف ل 50 ضعف البروتين اللي نزل عن طريق نظامك الغذائي اليومي العادي
دي نفس فكرة ربط العادة السرية بهرمون الدي اتش تي بردو مفيش اي علاقة ولا ارتباط بينهم زي ما مفيش بردو علاقة او ربط بين كمية البروتين اللي في جسمك والبروتين اللي بينزل في السائل المنوي .
اخر حاجة توازن مستويات الهرمونات في الجسم
زي ما قولنا ان بعض الاقاويل بتقول ان العادة السرية او النشاط الجنسي عموما له تاثير على هرمون الدي اتش تي وان الاقاويل دي طلعت كلها غير صحيحة نقدر نضيف عليها انه يقال ان العادة السرية فعلا بتاثر على بعض الهرمونات وعلى توازن الهرمونات في الجسم
وبالرغم ان الكلام دة حقيقي نسبيا وان فعلا الجنس بياثر على مستويات بعض الهرمونات في الجسم ودة بيكون تأثير مؤقت وليس له علاقة بتساقط الشعر
واكثر هرمون بيتم اخراجة اثناء الجنس هو هرمون الاوكسيتوسين، ودة هرمون بيأثر على مراكز المتعه في المخ، ودة السبب ان الجنس او العادة السرية بتديلك احساس بالسعادة، والهرمون دة مش مرتبط بالصحة او ولا بكثافة الشعر ولا قوته
والغريب كمان ان بعض المصادر المحدودة اللي بتقول ان هرمون الاوكسيتوسين بياثر على هرمون الدي اتش تي وبيقلله، ولكن المصادر الاكبر بتاكد انت العادة السرية مش بتاثر تاثير خاص وقوي على هرمون الدي اتش تي
بدليل مثلا ان جسمك بيفرز هرمون الاوكسيتوسين في المواقف الرومانسية اللي بتديلك احساس بالسعادة زي انك تقرب من حد بتحبه او تمسك ايديه يعني دي مواقف بتتكرر بصورة دايمة وبالتالي مش دي اللي هتاثر على شعرك وبالتالي الهرمون دة مالوش علاقة بتساقط الشعر
يبقى خلينا عارفين ان الصلع بيكون صلع هرموني او وراثي لكن مش عرض جانبي للعادة السرية
وان الصلع الوراثي بيحصل لما هرمون التستوستيروين بتحول لهرمون دي اتش تي
ولو حسيت ان بداية شعرك وخط الشعر بيتراجع لورا وان شعرك بيتساقط اعرف ان دة احتمال كبير يكون حساسيه لهرمون الدي اتش تي او من التوتر او اي مشاكل تانية بعيدة عن العادة السرية او الجنس
ودة ممكن يتم علاجه عن طريق تغيير ستايل اكلك وحياتك بالاضافة للادوية اللي بتقلل من هرمون الدي اتش تي ولكن تحت اشراف طبيب
وفي النهاية دة مش تشجيع على ممارسة العادة السرية وانا مش في موقف اني اتكلم في الحلال والحرام ولكن انا بتكلم عن حقيقة علمية مثبته في نقطة معينة
ولو عندك اي اسألة او اضافة لمعلوماتي ياريت تسيبها في كومنت ومتنساش تشترك في القناة وتفعل الجرس عشان يوصلك كل جديد
