فوائد ماء الارز للشعر
السلام عليكم ورحمة الله وبركاته
سيدات كتير في الصين واليابان وجنوب شرق آسيا بيستخدمو ماء الرز لغسيل الشعر وبيعتبروه صحي جدا للشعر وبيطول الشعر ومفيد وكلام كتير كدة
في الفيديو دة هنعرف مع بعض كل حاجة عن مياة الرز وهل هي مفيدة فعلا ولا لا بالاضافة اننا هنتعرف على الطريقة الصحيحة لتحضيرها واستعمالها
بس قبل ما نبدأ متنسوش تشتركوا في القناة وتفعلوا الجرس عشان يوصلكم كل جديد
أهلا بيكم مرة تانية انا محمد سويلم
وفي الفيديو دة هنتكلم عن مياة الرز وايه فوايدها وهنحضرها مع بعض بس الاول نعرف ايه اللي فيها
ونبدأ الفيديو بحكاية الرز
حكاية الرز بقا بتبدأ من القرن التامن وكان وقتها معروف ان طول شعر اليابانيات بيوصل لحد الارض واتقال انهم بيستحموا بمية الرز ودة لانهم بيعتقدو انها مفيدة للشعر والبشرة .
وفي قصة حديثة شوية عن سيدة اسمها يو من الصين وكانت وبتعيش في قرية اسمها هونجولو والست دي كانت مشهورة بشعرها الطويب اللي بيوصل ل182 سم
وبالاضافة لطول شعرها المبالغ فيه انه كمان كان محتفظ بلونه ومظهرش عندها شعر ابيض الا لما وصل سنها ل 80 سنه
والحجة يو بتقول ان الفضل في طول شعرها وانه متحولش للون الابيض هو انها بتغسله بماء الرز
و دلوقتي معظم مواقع الجمال بقت تكتب عن مياة الرز وفوايدها والموضوع انتشر جدا
ويبقى السؤال هل الكلام دة حقيقي ولا مجرد حكايات
نبدأ كلامنا عن محتويات ماء الارز
اول حاجة الاماينو اسيد ودة محتاج حلقة كاملة عن فوايده للشعر لكن هو بالفعل مفيد جدا
ومجموعة فيتامينات B ودي بتحافظ علىقوة الشعر ونموه
وفيتامين E
- Fiber: 0.2 grams
- Vitamin A: 22% of the Reference Daily Intake (RDI)
- Vitamin C: 24% of the RDI
- Vitamin K: 106% of the RDI
- Calcium: 4% of the RDI
- Manganese: 4% of the RDI
وبعض المعادن
بالاضافة لمضادات الاكسدة اللي اكيد مفيدة للشعر بعد استخدامك لمستحضرات كتيرة على شعرك
طيب الحاجات دي فوايدها ايه عموما للشعر
بينعم الشعر
وبيفك التشابك اللي في الشعر
بيزود لمعان الشعر
بيقوي الشعر
بيساعد في تطويل الشعر
وطبعا متعودناش نتكلم عن وصفة من غير ما نتكلم عن ابحاث اتعملت عليها
وشهرة ماء الارز وفوايدة اللي اتشهرت بيها تخلينا نسأل هل فعلا في ابحاث اتعملت عن مياة الرز تثبت صحتها
سنة 2010 في جريدة اسمها فيرست جلانس كتبت ان مياة الرز بتقلل من حكة الشعر وبتنعم الشعر ولكن الكلام دة مبني على نماذج تاريخية زي اللي اتكلمنا عنها في اول الفيديو
ولكن لحد انهاردة متعملش بحث عن مباشر ماء الارز ولكن بناء على تجارب الناس وعلى مكوناته ممكن فعلا الكلام يتم اثباته خلال السنين اللي جاية او يتعمل عنه ابحاث تانية
لكن في بحث اتعمل سنة 2002 بيثبت ان النشا الموجودة في مياة الرز بتعالج الجلد التالف اللي في البشرة
نيجي بقا للمهم وازاي بنحضر مياة الارز وامتى بستخدمه وطريقة الاستخدام
في البداية هنجيب نص كوباية رز على كوبايتين ميه
ونحط الرز في الميه ونسيبه نص منقوع لمدة نص ساعة على الاقل او ممكن اكثر وكل ما كان اكتر كل ما كان افضل
بعد كدة بنصفي المية من الرز في بخاخ او ازازة
وبنرشه على فروة الراس
وممكن اختصارا للوقت نغليه الرز لمدة من 3 الى 5 دقايق عل النار وبعدين نسيبه يبرد وناخد منه الميه
طريقة الاستعمال سهله
في الاول بتغسل شعرك كويس
وبعدين بترش مية الرز على شعرك بالبخاخ او تغسله بمية الرز
وتسيبه على شعرك لمدة 20 دقيقه وتغسل شعرك بميه دافية مش سخنه
وفي النهاية لو عندك اي اسألة ياريت تسيبها في كومنت ولو عندك تجربة مع ماء الارز بالفعل ياريت تحكيهالنا
ومتنساش تشترك في القناة وتفعل الجرس عشان يوصلك كل جديد
