حلقة تانية من المطبخ ودة لان في ناس كتير بتخاف من الادوية وبتفضل انها تستخدم الوصفات الطبيعية
كلنا سمعنا عن فوايد التوم للجسم واالشعر
بس هل اللي سمعناه دة حقيقي
وايه مكونات التوم اللي ممكن تفيد الشعر
وازاي استخدم التوم لعلاج الشعر
في الفيديو دة هنتكلم عن كل حاجة تخص التوم وكمان هنحضره مع بعض وهنقول ازاي نستفيد منه
بس قبل ما بدأ متنساش تشترك في القناة وتفعل الجرس عشان يوصلك كل جديد
أهلا بيكم مرة تانية
أنا محمد سويلم والناس اللي اول مرة تشوف فيديوهاتي دة كان شكلي قبل ما ابدأ مراحل علاج الصلع والحمد لله وصلت للنتيجة اللي حضراتكم شايفينها ومكمل باذن الله
والفيديو بتاع انهاردة عن التوم واستخدامه لعلاج تسااقط الشعر وتسريع نمو الشعر وتطويله
هل فعلا التوم مفيد للشعر، الاجابة المختصرة هي ايوة التوم مفيد للشعر لان مكونات التوم الطبيعية مفيدة جدا لشعرك ودة لان التوم غني بالفيتامينات والمعادة المهمة للجسم زي فيتامين بي 6 وفيتامين سي والماغنيسيوم والسيلينيوم وكل الحاجات دي مهمة ومفيدة جدا للشعر بالعكس كمان انا بستخدم شامبو دوكري على سبيل المثال عشان غني بفيتامين بي6 ودة مهم جدا للشعر
بالاضافة انه يعتبر مضاد فطريات وميكروبات طبيعي واللي بدوره بيساعد على قتل البكتيريا والميكروبات في فروة الراس وبالتالي بيمنع القشرة والالتهابات في فروة الراس
طيب الكلام دة وراه اي دراسة علمية او ابحاث ولا كلام يوتيوب وكدة
لا في دراسة والدراسة دي اتعملت سنة 2016 على الثوم واثبتت ان التوم بيحمي الخلايا الكيرياتينيه من اضرار الاشعة فوق البنفسجية اللي بتكون من الشمس بالاضافة انه يعتبر مضاد للشيب والخلايا الكيرياتينيه دي هي اللي بتنتج الكيراتين المهم للشعر ، ودي بتكون في الطبقة الخارجية من الجلد وطبعا دة يتضمن فروة الراس وبالتالي البصيلات اللي في فروة الراس
وفي دراسة تانية اتعملت سنة 2007 بتقول ان بعض الناس اللي بتعاني من الثعلبة و جربت تستخدم معجون الثوم على فروة راسهم تم تسريع نمو الشعر في المناطق المصابة
نيجي بقا لطريقة التحضير وبعدها طريقة الاستعمال
طريقة الاستعمال ممكن نحطه في البخاخ ونستخدمه زي اي اسبراي وبعدها يوضع في التلاجة
واخيرا معلومة مهمه مكونات التوم ممكن تتسبب في حساسية البشرة عند بعض الناس فلو حسيت بحرقان جامد اثناء استخدامه يبقى استخدمه مع الزيت افضل عشان يهدي الدنيا شوية
بالاضافة ان زيت الزيتون غني بفيتامين اي اللي بيحارب مشاكل البشرة والسرطان وبيحمي من مشاكل البشرة ومشاكل العين
وفيتامين كي اللي يعتبر فيتامين اساسي لانتاج الكولاجين وطبعا كلنا عارفين الكولاجين واهميته للبشرة وفروة الراس
وبالتالي احنا اضافنا مكونات مهمه وكويسة جدا للثوم باضافة معلقتين فقط من زيت الزيتون للعمليه بتاعتنا دي
واخيرا اتمنى يكون الفيديو عجبكم ولو عندك اي اسالة ياريت تسيبها في كومنت ومتنساش تشترك في القناة وتفعل الجرس عشان يوصلك كل جديد
